Согуш туткундарынын жана согушта дайынсыз жоголгондордун иши боюнча эки тараптуу комиссиянын жыйынына катышуу үчүн АКШдан өкүлдөр Москвага келишти. Бул тууралуу "Интерфакс" Орусиянын Коргоо министрлигине таянып билдирди.
Комиссиянын 21-отурумунда Экинчи Дүйнөлүк согушта, Корей жарым аралындагы (1950-1953), Вьетнамдагы, Ооганстандагы жана башка согуштарда туткунга түшкөн жана дайысыз жоголгон аскерлердин тагдыры тууралуу маселелер каралат.
Быйыл июнь айында Орусия тарап америкалык өнөктөштөрүнө 1970-жылдары Вьетнамда туткунга түшкөн беш америкалык учкуч тууралуу архивдик маалыматтарды өткөрүп берген.
