Суу кодекси боюнча талкууну ызы-чуу коштоду

Бишкекте Суу кодексине сунушталып жаткан өзгөртүүлөр боюнча жыйын ызы-чуу менен аяктап, жарандык активисттер менен өкмөт мунаса тапкан жок. Активисттер бул өзгөртүүлөр экологияга олуттуу зыян алып келет деген негизде мыйзам долбоорун парламенттен артка чакыртып алууну талап кылышты. Талкууга катышкан вице-премьер-министр Дүйшөнбек Зилалиев "өкмөт мыйзамды артка чакыртпайт, анткени Кумтөрдүн үзгүлтүксүз ишин камсыздоо милдетин алган" деп жооп берип, жарандык коом өкүлдөрү буга катуу нааразылык билдирип чыгышты.