Линктер

дүйшөмбү, 21-май, 2018 Бишкек убактысы 19:14

Кыргызстан ФИФАнын рейтингинде беш тепкичке жогорулады


Кыргызстандын футбол боюнча улуттук курама командасы. Бишкек, 30-август, 2016-жыл.

Эл аралык футбол федерациясынын (ФИФА) ноябрь айындагы рейтингинде Кыргызстандын курама командасы мурдагы айга караганда беш тепкичке жогорулап, 115-орунду ээледи. Бул тууралуу федерациянын расмий сайтында жарыяланды. Анда улуттук курама команда 282 упай алып, Бахрейн менен Азербайжандын командаларынын катарында орун алган.

Өткөн айда Кыргызстан бул рейтингде 120-орунду ээлеген эле.

Рейтингде команданын өткөргөн беттештеринин жыйынтыктары эске алынат.

Бул айда кыргыз футболчулары 2019-жылдагы Азия кубогуна тандоо оюндарынын 5-айлампасында Макаого барып ойноп, талаа ээлерин 3:4 эсебинде утуп алды.

ФИФАнын ноябрь айындагы рейтингинде алдыңкы үч орунда Бразилия, Португалия жана Германия турат.

Борбор Азия өлкөлөрүнүн ичинен Өзбекстан 80 -орунду, Казакстан 136-орунду жана Тажикстан 127-орунду ээлеген. (BkA)

XS
SM
MD
LG