Австралиялык дарыгер Николас Вулфилддин жубайы менен Кыргызстанга келип, жашап жатканына эки жылдан ашты. Ошондон бери Ысык-Көлдүн Ак-Суу районундагы балдар реабилитация борборунда ара төрөлгөн жана шал оорусуна чалдыккан наристелерди жаңы ыкма менен дарылап келет. Өмүрүн медицинага арнаган Николас пенсияга чыккандан кийин Кыргызстанга келип, бул жердеги жашоону жактырып калган. Николас жумуштан соң үй чарбасын көздөсө, жубайы кол өнөрчүлүк менен алектенет.