Бүгүн,14-декабрда Кыргызстандын президенти Сооронбай Жээнбековдун Өзбекстандагы расмий иш сапары уланат. Анын алкагында Жээнбеков бул өлкөнүн премьер-министри, парламент спикери менен жолугушат. Ушул эле күнү кыргыз-өзбек президенттери Жээнбеков жана Шавкат Мирзиёев өнөр жай көргөзмөсүнө катышат.
Сооронбай Жээнбековдун Өзбекстандагы расмий иш сапары 13-декабрда башталган. Кечээ эки өлкө президенттери жолугуп, чек ара, бажы, транспорттук байланыш, экономикалык жана маданий кызматташтык тууралуу сүйлөшкөн. Соңунда бир катар документтерге кол коюлду. (КЕ)
