Линктер

ишемби, 20-октябрь, 2018 Бишкек убактысы 16:26

Беш жашка чейинки балдардын 2,8% тоё тамактанбайт


Бишкектин четиндеги жаңы конуштардын биринен тартылган сүрөт. 2017-жыл.

Кыргызстанда беш жашка чейинки балдардын 2,8% жетиштүү тамактанбайт. Бул тууралуу бүгүн Эмгек жана социалдык өнүгүү министрлиги кабарлады.

Мекеменин маалыматына караганда, Бириккен Улуттар Уюмунун Азык-түлүк жана айыл чарба уюму 2016-жылы жүргүзгөн изилдөөдөн кийин ушундай жыйынтыкка келген.

Буга чейин айрым маалымат каражаттарында "Кыргызстандагы балдардын 13% тоё тамак жебейт" деген кабар чыккан. Министрлик бул төрт жыл мурдагы маалымат экенин, андан бери абал кыйла оңолуп калганын белгиледи.

“Кыргызстан абдан жакшы жетишкендиктерге ээ болууда. Биздин өлкө - кирешеси аз болсо да бул көрсөткүчтү жакшыртып жаткан мамлекеттердин бири”, деп айтылат министрликтин билдирүүсүндө.

Ошол эле статистикалык маалыматка караганда, Казакстанда бул көрсөткүч 3,1%, Тажикстанда 9,9%, Түркмөнстанда 4,2% түзөт.

Быйыл тогуз айда Эмгек жана социалдык өнүгүү министрлиги оор турмуштук шартта жашап жаткан 5581 баланы аныктап, ар бири боюнча жардам берүү планын түзгөн. (RK)

Сиздин пикир

пикирлерди көрсөт

XS
SM
MD
LG