Борбордук шайлоо комиссиясынын төрайымынын орун басарлыгына Акылбек Эшимов шайланды. Ал жалгыз талапкер болгонун БШК төрайымынын орун басары Абдыжапар Бекматов "Азаттык" радиосуна билдирди. Добуш берүү 20-декабрда өттү.
БШКнын мүчөсү Гүлнара Журабаева шайлоону жабык өткөрүү жөнүндө сунуш киргизди. Бирок ал колдоо тапкан жок. Ушундан улам Журабаева добуш берүүдөн баш тартты.
БШКнын эки мүчөсү - Атыр Абдрахматова менен Назарали Арипов - жыйынга келген жок.
Төрайымдын мурдагы орун басары Атыр Абдрахматова 8-декабрда кесиптештеринин чечими менен кызматтан алынган. Абдрахматова өзү муну мыйзам бузуу фактыларын ачык айтып келгени үчүн “саясий куугунтук катары” бааласа, кесиптештери тек гана “орун алмаштыруу” деп түшүндүрүшкөн. (SE)
