Линктер

ЧУКУЛ КАБАР!
11-Май, 2021 шейшемби, Бишкек убактысы 01:08

Бишкек шаардык кеңешинде автобустар маселесинде талаш чыкты


Бишкек мэриясы.

Бишкек шаардык кеңешинде Орусиядан насыяга 350 автобус сатып алуу боюнча токтом долбоору бүгүн талаш менен кабыл алынды.

Оппозициялык "Республика-Ата-Журт" фракциясынын депутаттары каршылык иретинде жыйындан чыгып кетишти. Алар токтом шашылыш кабыл алынып жатканын, 3,5 миллиард сомдук насыя шаардын бюджетине оорчулук келтирерин билдиришти.

Депутаттарга насыяга автобус сатып алуу боюнча биринчи вице-мэр Ринат Макенов баяндама жасады.

Газ менен жүргөн автобустарды сатып алыш үчүн 3,5 млрд. сомду "Газпромбанк" 12% үстөк менен "Газпром-Кыргызстан" аркылуу берет. Мэрия насыяны төлөөгө 350 миң баалуу кагазды сатыкка чыгарат. Бересе 5 миллиард сом болот, аны төлөө 2019-жылы башталып, 2025-жылга чейин уланат.

Расмий маалыматка ылайык, Бишкек шаары автобус-троллейбустар менен 20% камсыз болгон. Күнүгө 120дан ашуун автобус каттамга чыгат. Андан тышкары, 2600дөн ашуун маршруттук кичиавтобустар жүрөт.

Баш калаанын эли 1 миллиондун тегерегинде.

Шаардык кеңештеги көпчүлүк коалиция КСДП, “Өнүгүү-Прогресс”, “Мекеним Кыргызстан” жана “Кыргызстан” фракцияларынан куралган.

“Республика - Ата-Журт” фракциясы оппозицияда.

Пикирлерди көрүңүз (7)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG