Өкмөт башчы Сапар Исаков Санжар Муканбетовду вице-премьер-министрлик кызматка сунуш кылды.
Исаковдун сунушу бүгүн-эртең Жогорку Кеңештин Конституциялык мыйзамдар, мамлекеттик түзүлүш, сот-укук маселелери жана регламент боюнча комитетинде талкууланып, 10-январда жалпы жыйында каралат. Бул тууралуу маалымат парламенттен алынды.
Санжар Муканбетов ушу тапта Каржы рыногун жөнгө салуу жана көзөмөлдөө боюнча мамлекеттик кызматты жетектейт. Ал Улуттук банктын жетекчиси болуп дайындалган Толкунбек Абдыгуловдун ордуна көрсөтүлүүдө. (NT)
