Бишкек-Балыкчы автоунаа жолунун 145-чакырымында оор жүк ташуучу унаа күйүп кетти. Бул тууралуу Өзгөчө кырдаалдар министрлигинин басма сөз кызматы кабарлады.
Окуя кечээ саат 16:30дарда болгон. “МАN” үлгүсүндөгү оор жүк ташуучу унаа өрттөнгөн. Өрттү ӨКМдин №19 өрт-куткаруу бөлүмү бир саатта толугу менен өчүргөн. Кырсыктын себеби такталууда.
Автоунаанын ээси жана андагы жүк тууралуу маалыматтар азырынча белгисиз. (ErN)
