Мыйзамга киргизилген жаңы өзгөртүүгө ылайык, Тажикстанда эми дин кызматкерлери да тапкан-ташыганын, айлыгын жана төлөгөн салыгын ачыкка чыгарышы керек.
Тапкан кирешеси жана кеткен чыгашасы тууралуу диний мекемелер да отчет берүүгө милдеттүү.
Тажикстанда мечиттер өз ишин битир-садаганын эсебинен жүргүзүп, имамдары нике кыйуу, жаназа окуу сыяктуу жөрөлгөлөрдөн киреше табышат. Чоң мечиттердин имамдарына мамлекеттен айлык төлөнөт.
- Мамлекеттин карамагында болбогон деле айрым мечиттердин, диний мекемелердин кызматкерлери, имам-хатибдери мамлекеттен айлык, акча алышат. Негизи мамлекет аларга акча бербеши керек. Бирок берип аткандан кийин алар салык органдарына отчет беришинин эч өөнү жок, - деди “Эркин Европа/Азаттык” радиосунун “Настоящее время” телеканалы менен болгон маегинде Дүйшөмбүдөгү Ислам институтунун деканы Карим Рахимов.
Расмий бийлик маалымдуулук мечиттердин ишинде ачык-айкындуулукту камсыз кылып, битир-садага кайда кетип атканын эл билип турат деп
эсептейт. (MTO/UE)
