Линктер

ишемби, 21-июль, 2018 Бишкек убактысы 17:45

Исаков: Айбек Калиевдин арызын кабыл алган жокмун


Cапар Исаков жана Айбек Калиев (оңдо) Бишкек Жылуулук борборунда. 27-январь, 2018-жыл.

Бишкектеги жылуулукка байланышкан кырдаалдан кийин "Улуттук энерго холдинг" компаниясынын төрагасы Айбек Калиев кызматтан кетүү жөнүндө арыз жазганы белгилүү болду. Бул тууралуу премьер-министр Сапар Исаков бүгүн парламентте депутаттардын суроолоруна жооп берип жатып билдирип, Калиевдин арызын кабыл албаганын кошумчалады:

- Мага бир киши келип арызын берди. Калиев Айбек Рыспекович. Бирок мен ал арызды кабыл алган жокмун. Аны азыр жактагым келбейт. Бирок аябай аракеттенип, күйүп-бышып, күнү-түнү уктабай жүрөт. Албетте, көйгөйлөр көп, Айбек Рыспековичте да күнөө бар.

Айбек Калиев "Улуттук энерго холдингдин" жетекчиси болуп 2016-жылдын январында дайындалган. 2015-жылдын этегинде Энергетика министрлиги жоюлган. Электр энергиясын өндүрүүчү, ташуучу жана бөлүштүрүүчү ишканалардын баары бириктирилип, аталган холдинг түзүлгөн. Бийлик ушундай жол менен тармактагы коммерциялык жоготууларды азайтып, коррупцияны жеңсе болорун билдирген. (NT)

Сиздин пикир

пикирлерди көрсөт

XS
SM
MD
LG