2017-жылы АКШдан кыргызстандык 17 жаран депортацияланды. 2016-жылы 16 кыргызстандык өлкөдөн чыгарылган. Бул тууралуу АКШнын Миграция жана бажы кызматы тараткан баяндамада айтылат.
Маалыматта 2017-жылы 14 казакстандык депортация болгону, 2016-жылы өлкөдөн 19 казак жараны чыгарылганы жазылган. Ошондой эле 2017-жылы 15 өзбекстандык, 9 тажикстандык депортацияга кабылган, бир жыл мурун 28 өзбек жараны, 8 тажик жараны чыгарылган.
