Жалал-Абад облусунун Кочкор-Ата шаарындагы үйлөрдүн биринен үч кишинин сөөгү табылды. Бул тууралуу Жалал-Абад облустук милициясы кабарлады.
Маалыматка ылайык, каза болгон адамдардын тек-жайы аныкталды. Алар үйдүн кожоюну болгон 64 жаштагы адам, анын жубайы 58 жаштагы аял жана Ноокен районун 52 жаштагы тургуну экени такталды. Алдын-ала маалыматтар боюнча маркумдар үйдөгү газга ууланып каза болушу мүмкүн.
Бул окуя боюнча тиешелүү экспертизалар дайындалып, текшерүү иштери жүргүзүлүүдө. (RsK/BkA)
