Оппозициялык “Ата Мекен” партиясынын мурдагы президент Алмазбек Атамбаевге каршы арызы четке кагылды. Партия юристи Таалайгүл Токтакунованын “Азаттык” радиосуна билдиргени боюнча, ишти Бишкектин Биринчи май райондук соту 7-февралда карады.
Атамбаев былтыр 6-мартта “Ала-Арча” резиденциясында мамлекеттик сыйлыктарды тапшыруу аземинде "сасыган", "мародер" деген сөздөрдү колдонгон. "Ата Мекен" партиясы муну өз дарегине айтылды деп эсептеп, сотко кайрылган.
Экс-президенттин соттогу өкүлдөрү Атамбаевдин ал сөзүндө “Ата Мекен” тууралуу айтылбаганын белгилешкен. "Атамекенчилер" эми шаардык сотко даттанууну көздөп жатат. (NT)