Мектеп окуучуларынын жазгы эс алуу күндөрү өзгөрбөй турган болду. Билим жана илим министрлиги бүгүн тараткан маалыматка караганда, беш күндүк тартипте окуган балдар мурда пландалгандай эле 21-30-мартта эс алышат, бирок январдын соңундагы катуу сууктан улам убактылуу тыныгуу болгон күндөр үчүн март айынын дем алыш күндөрү окушат.
Ал эми жумасына алты күн окугандар 26-30-мартта эс алышат, бирок окуу жылынын соңунда - 26-30-майда кошумча окушат.
Өткөн айдын аягында Кыргызстанда абанын температурасы кескин төмөндөп, түнкүсүн Бишкекте -30га түшкөн. Ошого байланыштуу 26-январдан 3-февралга чейин, дээрлик бир апта мектептер жана бала бакчалардын иши токтотулган. (RK)
