Линктер

ишемби, 22-сентябрь, 2018 Бишкек убактысы 15:04

12-февралда Оренбургда аза күтүү жарыяланды


Куткаруучулар Раменский районунда учак кулаган жерде. 11-февраль, 2018-жыл.

Орусиянын Оренбург облусунун жетекчилиги Москванын жанындагы авиакырсыктын курмандыктарын эскериш үчүн дүйшөмбүдө аза күтүү жарыялады. Орск шаарынын акимияты кырсыкта өлгөндөрдүн жакындарын Москвага жеткирүүгө убада берди. Алдын-ала жарыяланган маалыматка караганда, курман болгон 71 кишинин ичинде 17, 12 жана 5 жаштагы үч бала болгону белгилүү болду.

Орск шаарынын мэриясынын басма сөз кызматы кыйраган учакта Швейцариянын жараны да болгонун билдирди. Бул тууралуу орусиялык жергиликтүү гезиттер жазды.

Жекшембиде (11-февралда) Ан-148 үлгүсүндөгү жүргүнчү ташыган учак Москванын «Домодедово» аэропортунан Орск шаарын көздөй учуп чыккандан кийин көп өтпөй кыйроого учурап, ичиндеги 71 киши мерт болду. Учак “Саратов аба жолдору” компаниясына таандык болчу.

XS
SM
MD
LG