Түштүк Кореянын Пхёнчхаң шаарында өтүп жаткан кышкы Олимп оюндарында бүгүн кыргызстандык тоо лыжачы Евгений Тимофеев слалом боюнча мелдешке катышат.
18-февралда кыргызстандык спортчу гиганттык слалом боюнча 109 спортчунун арасында таймашып, 63-орунду алган.
Кышкы Олимп оюндарына Кыргызстандан эки спортчу барган. 13-февралда лыжачы Тариэл Жаркымбаев классикалык стилде 1,4 чакырымга спринтердик жарышта 78-орунду ээлеген.
Түштүк Кореянын Пхёнчхаң шаарында 9-февралда башталган Олимп оюндары 25-февралда соңуна чыгат.
