21-февралда эл аралык Эне тили күнү белгиленүүдө. Бул датага карата Саламаттык сактоо министрлигинде да атайын иш-чара болуп өттү.
Кыргызстанда Эне тили күнү Улуттук тил комиссиясынын демилгеси менен алгач ирет белгиленип жатат.
Бишкек шаардык Саламаттык башкармалыгында кыргыз тилинин мааниси, аны өнүктүрүү боюнча жыйын болду.
1999-жылдан бери ЮНЕСКОнун чечими менен 21-февраль эл аралык Эне тили күнү деп таанылган. 1952-жылы Бангладештин борбору Даккада 21-февралда студенттер эне тилин коргогон митингде окко учканына байланыштуу бул дата белгиленет. (BCh)