68 жаш курагында коомдук ишмер, мурдагы вице-премьер-министр Эсенгул Өмүралиев дүйнө салды. Бул тууралуу өкмөт кабарлады. Маалыматка ылайык, маркум узак убакыттан бери катуу ооруп жүргөн.
Эсенгул Өмүралиев 1950-жылы Ысык-Көл облусунда Тоң айылында туулган. Фрунзе Политехникалык институтун бүтүргөн соң Электро-механика илим изилдөө институтунда бир нече жыл иштеген.
Кыргызстандын эгемендик жылдарында бир нече жолу министр, эки ирет вице-премьер-министр, Жогорку Кеңештин депутаты жана Ысык-Көл облусунун губернатору болуп иштеген.
2016-жылга чейин Кыргызстандын Казакстандагы элчиси болуп эмгектенген.
Маркум менен коштошуу зыйнаты 27-февралда Токтоболот Абдымомунов атындагы Кыргыз улуттук драма театрында өтөт. Сөөгү Бишкектеги “Ала-Арча” көрүстөнүнө коюлат. (BkA)
