Өзгөчө кырдаалдар министрлигининин маалыматына караганда, Каракол шаарындагы “Каприз” эс алуу жайынан 4-5 чакырым жерде кар көчкү түшүп, ата-энеси менен өз алдынча эс алып жүргөн тогуз жаштагы кызды басып калган.
Окуя 28-февраль күнү кечки саат беш чамасында болду. Кыздын ата-энеси жана эс алуучу жайдын куткаруучулары көчкү астынан жеткинчектин сөөгүн таап, “Каприздин” медициналык бөлүмүнө жеткиришти. Алдын-ала берилген маалыматка ылайык, эс алып жүргөндөр Орусия жарандары.
Жеринде милиция кызматкерлери иш алып барууда. (КЕ)
