3-мартта Борбор Азиядагы Америка университетинин залында "Fashion industry 2018" деп аталган иш-чара өттү. Жеңил өнөр жай тармагы боюнча "Легпром" ассоциациясы уюштурган сынакта жаш дизайнерлердин 58 коллекциясы көрсөтүлдү.
Мода иш-чарасында кийимдер төрт багытта сыноодон өттү: Этно-мода, Мегаполис - өндүрүш топтому, Эксклюзив - чыгармачыл топтом жана Авангард. Жеңүүчүлөр жекшембиде жарыяланат.
Этно-стилде жеңүүчү болгондор сентябрда Чолпон-Атада өтө турган III Дүйнөлүк көчмөндөр оюндарында мода көрсөтүшөт.
Дизайнерлердин сынагына катышууга 83 арыз түшкөн. Уюштуруучулар 58 коллекцияны тандап алышкан. (SA)
