Түрмөнстанда дүкөндөрдө кезек күткөндөр көбөйдү. Мамлекеттик телеканалдар болсо өлкөдө азык-түлүк жетиштүү экенин билдиришүүдө.
28-февралдан тартып Ашхабаддын мамлекеттин көзөмөлүндөгү дүкөндөрүндө киргизилген чектөөлөргө ылайык, бир кишиге 1 килограммдан ашпаган ун жана жарым килограммдан ашпаган шекер сатылууда. Буга чейин бир адамга 5 килограмм ун жана 1 килограмм шекер сатылып келген.
Шаар тургундарынын айтымында, дүкөндөрдө азык-түлүктүн ун, шекер жана өсүмдүк майы өңдүү түрлөрү 1-2 сааттын ичинде эле түгөнүп, кезек күткөндөр тез эле көбөйүп кеткен.
Акыркы бир нече айдан бери Түркмөнстанда ун тартыш. 24-февралда Дашогуз облусундагы дүкөндөрдө үй-бүлөнүн ар бир чоң мүчөсүнө айына 5 килограммдан ашпаган ун сатылып, ошол маалда жашы жете элек балдар эсепке алынбай жатканы кабарланган.
