Мамлекеттик чек ара кызматынын маалыматы боюнча, 4-марттан тартып кыргыз-өзбек чек арасындагы "Достук" бекетинде ары-бери өткөн жарандарды тейлөөчү кошумча төрт кабина иштей баштады.
Февраль айында чек арадан өткөндөрдүн көбөйгөнүнө байланыштуу жарандар 5-6 сааттап кезекте турууга мажбур болуп жатышкан.
3-март күнү вице-премьер-министр Дайырбек Кенекеев ушул чек ара бекетине барган.
Кыргызстан менен Өзбекстандын чек арасы 2005-жылы март жана Анжиян окуяларынан кийин жабылып, каттоо кыйындаган. 2010-жылкы июнь коогасынан кийин чек арадан өтүш үчүн телеграмма, чакыруу сыяктуу кошумча документтер талап кылына баштаган. 2017-жылдын сентябрь айында кыргыз-өзбек “Достук” чек ара бекетинде эки тарапка өтүүнүн жол-жобосу жеңилдеген. (MdN)
