Бул тууралуу "Азаттыкка" Тышкы иштер министрлигинин өкүлү Айымкан Кулукеева кабарлады. Анын маалыматына ылайык, өрттө жабыркаган кыргызстандык кыздын бир тууган эжеси Түркияга барууну көздөп жатат.
Кыргызстандын Стамбулдагы Башкы консулдугу өрттөн жабыркаган кыздын абалын көзөмөлгө алган, кошумча маалымат берилип турмакчы.
7-мартта Измир шаарындагы беш кабаттуу мейманканада өрт чыккан. Түркиянын маалымат каражаттары тилсиз жоодон төрт киши жабыркаганын, анын бирөө кыргызстандык экенин кабарлашкан. (ZKo)
