Линктер

шейшемби, 17-июль, 2018 Бишкек убактысы 00:28

СССРдин эл артисти, актер жана режиссер Олег Табаков 82 жаш курагында дүйнө салганын ал жетектеген театрдын маалымат кызматы билдирди.

Табаков Чехов атындагы Москвадагы көркөм театрдын жетекчиси болгон. Актер өз атынан театр негиздеп, анын да көркөм жетекчиси эле. Орусия президентинин алдындагы маданият жана искусство боюнча кеңештин мүчөсү болгон.

2014-жылдын 11-мартында ал Путиндин Украина жана Крым боюнча саясатын колдогон маданият ишмерлеринин кайрылуусуна кол койгон.

2017-жылдын ноябрында ооруканага жаткырылган. Дарыгерлер анын канына инфекция жукканын аныкташкан. 2-декабрдан бери эс-учуна келе албай жаткан.

Табаков көп сериялуу «Жаздын он жети ирмеми» фильминдеги Үчүнчү рейхтин чалгын кызматынын башчысы Вальтер Шелленбергдин ролу менен көпчүлүктүн эсинде калган. Актер "Простоквашино" мультфильминде мышыкты – Матроскинди сүйлөткөн.

XS
SM
MD
LG