Президент Владимир Путин шайлоо өнөктүгү соңуна чыгып калган маалда Орусия каратып алган Крымга барды. Орус лидери Керчь кысыгындагы көпүрөнү дагы көргөнүн орусиялык маалымат агенттиктери кабарлады.
Путин ошондой эле Симферопол аэропортунун жаңы терминалына кирип, шаардагы митингге катышат.
Украин президенти Петро Порошенко Путиндин визитин «кооптуу чагым» деп комментарийлеп, дүйнөлүк коомчулукту аннексияланган Крымды тааныбоого үндөдү.
Орусияда шайлоо 18-мартта өтөт, бул күнү Орусияга Крымдын кошулганы дагы белгиленет.
