Москвадагы курут жыттанган дүкөн

Бул жолку каарманыбыз Орусиянын борбору Москва калаасында жашаган Искендер Дүйшөналиев. Мекендешибиз Москвада Кыргызстанда жасалган азык-түлүк саткан дүкөндү иштетет. Чөбөгө, сары май, каймактан баштап чучук, казы-картага чейин жайнаган кичинекей дүкөндү азырынча пайда табуу үчүн эмес, анын атын чыгаруу үчүн тынбай иштетип жатыптыр.