Түркиянын Измир шаарында өрттөн жабыркап, ооруканада жаткан кыргызстандык 24 жаштагы кыздын абалы оор.
Бул тууралуу анын туугандары билдиришти. Маалыматка караганда, кыздын омурткасына операция жасалып, белине пластик коюлган. Өзү тамак жеп, сүйлөп калды. Бирок буту азырынча кыймылдай элек.
Учурда аны апасы карап жатат. Акыркы эки күндөн бери абалы оорлой баштаган.
Измир шаарында 8-мартта беш кабаттуу мейманканада чыккан өрттөн ал жерде иштеген кыргызстандык жаран да жараат алган. (ElB)
