Линктер

ЧУКУЛ КАБАР!
4-Март, 2021 бейшемби, Бишкек убактысы 20:04

Балтика өлкөлөрү менен Польша Орусиянын элчилерин чакыртты


Таллин шаары.

Латвиядагы, Литвадагы жана Эстониядагы Орусиянын элчилери дүйшөмбүдө бул өлкөлөрдүн тышкы иштер мекемесине чакырылды. Бул тууралуу ТАСС агенттигине дипломаттардын арасындагы булак билдирди.

Латвиядагы Москванын элчиси Евгений Лукьянов Ригада Тышкы иштер министрлигине чакыртылды. Эстониядагы орустардын элчиси Александр Петров да бул өлкөнүн тышкы иштер мекемесине чакыруу алган. Эстониянын бийлиги азырынча бул маалыматты ырастай элек.

Литвадагы Орусиянын элчиси Александр Удальцов дүйшөмбүдө Тышкы иштер министрлигине барары белгилүү болду. Ошондой эле чакырууну Польшадагы элчи Сергей Андреев дагы алган.

Өткөн аптада Брюсселдеги саммитте лидерлер Евробиримдиктин Москвадагы элчиси, немис дипломаты Маркус Эдерерди кеңешүү үчүн чакыртууну чечишти. Англияда мурдагы орус тыңчысынын ууландырылышы боюнча Евробиримдик Британияга тилектештик билдирип, Орусияга каршы чара көрүүнү макулдашты.

Пикирлерди көрүңүз (10)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG