Оштогу куурчактардын үйү

Ошто куурчак театры бар экенин көпчүлүк биле бербейт. Түзүлгөнүнө отуз жылга чукулдап калган театры бүгүн да кичинекей көрүүчүлөрүнө жомокторду сахналаштырып тартуулап келет. Куурчактарга айлыгы алты миң сомго жетпеген актерлор жан киргизет. Оштогу Султан Ибраимов атындагы улуттук драма театрынын үч бөлмөсүндө жашаган куурчак театрынын бүгүнкү абалы менен кабарчыбыз таанышып келди.