Линктер

ЧУКУЛ КАБАР!
5-Март, 2021 жума, Бишкек убактысы 20:30

Соода борборлоруна бойкот жарыялоо тууралуу талап тарап жатат


Бишкектеги соода борборлорунун бири.

Бишкекте жарандык активисттер соода борборлорунун ээлеринен коопсуздук чаралары боюнча элге маалымат берүүнү талап кыла баштады. Кемерово апаатынан улам киргизилген бул сунушта адам өмүрү кымбат экенин белгиленет.

Социалдык тармактарда тарап жаткан чакырыктарда 31-мартта соода борборлорун жапырт бойкот кылуу жөнүндө сунуш айтылды. Талапка ылайык, эс алуу жайларынын жана чоң дүкөндөрдүн ээлери өрт коопсуздугуна кандай көңүл бурулганы тууралуу маалымат каражаттары аркылуу жарандарга түшүндүрмө бериши зарыл. Андан тышкары, адамдарга тажрыйба иретинде эвакуация машыгууларын көрсөтүшү керек.

Бул сунушту "Asia Mall" соода борборунун жетекчилиги колдоп, 30-мартта эвакуациялык тажрыйба өткөрүлөрүн билдирди.

25-мартта Орусиянын Кемерово шаарындагы соода борборунда чыккан өрт 60тан ашуун кишинин өмүрүн алды. Анын 41и балдар. Күбөлөр курмандыктардын саны мындан көп деп күмөн санашууда.

Кыргыз өкмөтүнө караштуу Экотехинспекция өлкөдөгү бардык базарлардын, соода борборлорунун, окуу жайларынын жана эл көп чогулуучу жайлардын коопсуздугун текшере баштады. (SE)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG