Линктер

ЧУКУЛ КАБАР!
26-Февраль, 2021 жума, Бишкек убактысы 22:38

Таласта менчикке өткөн имарат мамлекетке кайтарылды


Талас шаары.

Талас облусунун район аралык сотунун чечими менен Талас шаарындагы 57 млн. сомдук көп кабаттуу үй тибиндеги имарат мамлекетке кайтарылды. Бул тууралуу Башкы прокуратура кабарлады.

Билдирүүдө айтылгандай, Мамлекеттик мүлк фондунун чет элдик инвестицияларды түз тартуу агенттиги 1996-жылы Таластагы “Накер” бут кийим фабрикасын жойгон.

Мекеме бул процедуранын алкагында фабрикага караган, Нуржанов көчөсүндөгү толук бүтө элек имаратты “Арашан” аттуу фирмага менчикке сатып жиберген.

Бул боюнча алып-сатуу документтерин 2017-жылы Талас облустук прокуратурасы текшерүүгө алып, имарат мыйзам бузуу менен жеке колго өтүп кеткенин аныктаган. Прокуратура өкмөттүн 1996-жылдын 15-августундагы токтомуна ылайык, имарат Талас шаардык администрациясына тиешелүү болгонун тактаган.

Натыйжада Талас облустук прокуратурасы сотко кайрылып, 2018-жылы апрель айында утуп алды. (ErN)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG