Бишкектеги бүгүнкү илимий жыйынды “Мурас” фонду уюштуруп жатат. Жыйында 2010-жылдагы апрель окуясынын сегиз жылдыгын утурлай андан Кыргызстан кандай сабак алганы жана ыңкылаптын мааниси талкууланат.
Сегиз жыл мурда 7-апрелде эл мурдагы президент Курманбек Бакиевдин үй-бүлөлүк башкаруу режимине каршы чыккан. Куралсыз элге ок атылып, 80ден ашык киши окко учкан. Жүздөн ашуун адам жарадар болгон. Бийликтен кулатылган президент үй-бүлөсү, жакындары менен чет мамлекетке качып, Беларустан башпаанек тапкан.
Кыргызстанда 7-апрель "мамлекеттик майрам жана дем алыш" деп жарыяланган. (NT)
