Линктер

ЧУКУЛ КАБАР!
12-Май, 2021 шаршемби, Бишкек убактысы 09:21

Аскерде жанын кыйган жоокер үчүн 1 млн. 40 сом төлөнөт


Архивдик сүрөт.

Ушундай эле өлчөмдөгү кенемте башка себептер менен курман болгон жоокерлер үчүн да төлөнүп берилет. Былтыр аскерде түрдүү себептер менен өмүрүнөн ажыраган аскерлер үчүн 25 млн. сом төлөнүп берилген. Бул тууралуу 5-апрелде парламентте Коргонуу боюнча мамлекеттик комитеттин өкүлү депутат Махабат Мавлянованын суроосуна жооп берип жатып билдирди. Анын айтуусунда, 2015-жылы эки жоокер өмүрүн кыйган. 2016-жылы андай окуя катталган эмес. Былтыр бир учур катталган. Бул иштер боюнча иликтөө жүргүзүлүп, айыптуу адамдар жоопко тартылган.

Ушул тапта Жогорку Кеңеш “Аскер кызматчыларынын жана окуу менен атайын жыйындарга чакырылган аскерге милдеттүүлөрдүн, аларга теӊештирилген адамдардын өмүрүн жана саламаттыгын милдеттүү мамлекеттик камсыздандыруу жөнүндө” мыйзам долбоорун карап жатат.

Бул мыйзам долбоорунда ыкчам кызматта каза болгон аскер адамдарынын үй-бүлөлөрүн социалдык жактан коргоо жана алардын өмүрү үчүн камсыздандыруучу сумманы төлөө жагынан мамлекеттин жоопкерчилигин күчөтүү каралган.

Коргонуу боюнча мамлекеттик комитеттин өкүлүнүн маалыматы боюнча, камсыздандыруу төлөмү мамлекет тарабынан төлөнөт. Мыйзам долбоору боюнча аскер кызматын өтүп жатып, өз жанын кыйган жоокерлерге да камсыздандыруу төлөнөт. (ZKo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG