Линктер

ЧУКУЛ КАБАР!
1-Март, 2021 дүйшөмбү, Бишкек убактысы 04:44

Сапар Исаков Айбек Калиевди кызматтан алууну тапшырды


Бишкек Жылуулук электр борбору.

Премьер-министр Сапар Исаков 10-апрелде Бишкек Жылуулук электр борборундагы авариянын себебин иликтеген мекеме аралык комиссиянын ишинин жыйынтыгын талкуулаган жыйын өткөрдү. Анда ЖЭБдеги аварияга күнөөлүүлөр аныкталганы айтылды.

Исаков "Улуттук энергохолдинг" ишканасынын төрагасы Айбек Калиев менен "Электр станциялары" ачык акционердик коомунун башкы директору Узак Кыдырбаевди кызматтан алууну тапшырды.

Премьер-министр комиссиянын жыйынтыгын күткөнүн белгиледи. Ал "Улуттук энергохолдингдин" жетекчилигин кызматтан алуу тууралуу чечимге алардын ЖЭБдин айланасында түзүлгөн кырдаал, модернизациянын жүрүшү жана авариянын себеби тууралуу коомчулукка жана парламент депутаттарына жеткиликтүү түшүндүрө албаганы түрткү болгонун кошумчалады.

Буга чейин УКМК Бишкек Жылуулук электр борборуна байланыштуу козголгон кылмыш ишинин алкагында "Электр станциялары" ишканасынын башкы директору Узак Кыдырбаев менен ЖЭБди модернизациялоо долбоорунун аткаруучу директору Темирлан Бримкулов кармалганын кабарлаган.

Быйыл 26-январда ЖЭБде авария болуп, -20 градустан ашкан катуу суукта абоненттерге беш күн бою жылуулук берилген жок. Бул кырдаал жарым жыл мурун модернизацияланган жылуулук электр борборуна карата сын-пикирлерди күчөтүп, Кытай берген 386 миллион доллардын максаттуу сарпталганы суроо жараткан.

Бишкек Жылуулук электр борборун модернизациялоо иши 2014-жылдын апрелинде башталып, былтыр августта аяктаган. Ага кеткен 386 миллион долларды Кытайдын Экспорт-импорт банкы насыя катары берген. Модернизация иштерин кытайлык TBEA компаниясы жүргүзгөн. (NT)

Пикирлерди көрүңүз (12)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG