Линктер

жума, 19-октябрь, 2018 Бишкек убактысы 13:40

Ош облустук ооруканасына 3,3 млн. сомго жабдуу берилди


Иллюстрациялык сүрөт.

Ош облустук бириккен клиникалык ооруканасына жалпы суммасы 3 млн. 340 миң сомдон ашуун каражатка заманбап медициналык жабдуу берилди.

БУУнун Өнүктүрүү программасы “Азаттыкка” кабарлагандай, дартты аныктоо жана жүрөк-кан тамыр ооруларын дарылоо үчүн жабдуулар Кара-Кулжа, Ноокат жана Өзгөн райондорундагы саламаттык сактоо уюмдарына берилет. Бул 221 миң айыл тургунун сапаттуу тейлөөгө шарт түзөт. Бүгүн техника расмий түрдө өткөрүлүп берилет.

Саламаттык сактоо министрлигинин маалыматына караганда, Кыргызстанда жүрөк-кан тамыр оорулары биринчи орунда. Бардык өлүмдөрдүн 50% инсульт менен инфаркттан экени аныкталган. Соңку кезде бул илдеттер жаштар арасында көп кездешип жатат. Көпчүлүгү Орусия, Түркия сыяктуу чет өлкөлөргө барып дарыланууга мажбур. (КЕ)

XS
SM
MD
LG