Линктер

бейшемби, 24-май, 2018 Бишкек убактысы 14:19

АКШнын мурдагы биринчи айымы Барбара Буштун абалы оор


АКШнын мурдагы биринчи айымы Барбара Буш. Техас. 25-апрель, 2013-жылы тартылган сүрөт.

АКШнын мурдагы биринчи айымы Барбара Буштун абалы оор. Ал кошумча дары-дармектен баш тартып, үйүндө, жакындарынын кароосунда экенин үй-бүлөнүн маалымат катчысы Жим МакГраз маалымдады.

- Жакында эле ооруканага жатып чыгып, үй-бүлө мүчөлөрү жана дарыгерлер менен кеңешкенден кийин 92 жаштагы Буш айым кошумча дарылануудан баш тартып, анын ордуна тынч эс алууну тандады, - деди ал 15-апрелде жасаган билдирүүсүндө.

Барбара Буш 1989-1993-жылдары өлкө башында турган Американын 41-президенти Жорж Буштун зайыбы жана Кошмо Штаттардын 43-президенти Жорж Буштун (кичүүсү) энеси.

АКШнын маалымат каражаттары жазгандай, Барбара Буш жүрөк жана өпкө ооруларынан жабыркап келген.

Барбара менен Жорж Буш 1945-жылы баш кошкон. Алар алты балалуу болуп, бир кызы наристе кезинде чарчап калган.

Сиздин пикир

пикирлерди көрсөт

XS
SM
MD
LG