Линктер

ЧУКУЛ КАБАР!
5-Март, 2021 жума, Бишкек убактысы 04:18

Мирзиёев: ыгы жок мактоолордон тажадым


Өзбекстандын президенти Шавкат Мирзиёев.

Өзбекстандын президенти Шавкат Мирзиёев жекшембиде Сыр-Дарыя облусунун Сайхунабад районунун коомчулук өкүлдөрү менен жолугуп жатып, атайын даярдалган кишилердин ыгы жок мактоосунан тажаганын айтты. Ал жыйында аймакты жыйнап-тазалоо иштерине мугалимдерди тарткан аткаминерлерди кескин сынга алды. Президент мындай мажбурлоого барган жергиликтүү бийликтин өкүлдөрүн кызматтан алаарын эскертти.

"Kun.uz" сайты жазгандай, Мирзиёев Самарканд аймагында борбордук көчөлөрдүн бирин тазалап жүргөндө КамАЗ сүзүп кеткен мугалим Диана Еникееванын өлүмү тууралуу кабардар экенин айтып, ал үчүн өзүн күнөөлүү сезип жатканын билдирди. Мындан тышкары өзбек президенти аймактарга сапарга барарда жергиликтүү бийлик өкүлдөрү “жакшы көрүнүү” үчүн жасакерленип калышарын билерин айтты.

- Чынын айтсам, мунун баары мага ыңгайсыздыкты жаратат, итиркейимди келтирет, - деп айтты Мирзиёев.

Эл аралык уюмдар расмий Ташкентти мамлекеттик кызматкерлерди ар кандай иштерге мажбурлап чыгарып, өзгөчө пахта теримге салганы үчүн узак жылдардан бери сындап келишет.

Пикирлерди көрүңүз (9)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG