Жалал-Абад облусунун Токтогул районунда 21 жаштагы А. Табылды уулу изделип жатат. Бул тууралуу ӨКМ билдирди.
Баштапкы маалымат боюнча Кетмен-Төбө айыл аймагындагы Чоң-Арык айылынын тургуну 11-апрель күнү үйүнөн чыгып кеткен боюнча келген эмес.
18-апрелде туугандарынын кайрылуусунун негизинде, издөө иштерине ӨКМден 11 куткаруучу, РИИБден 25 кызматкер, суу чарба башкармалыгынан 10 кызматкер, РЭТ мекемесинен алты кызматкер жана жергиликтүү тургундардан 70 адам, жалпысынан 122 адам тартылды. (ErN)
