Президент Сооронбай Жээнбеков Кыргызстандын башкы прокурорунун кызматына Өткүрбек Жамшитовду сунуш кылды. Бул тууралуу "Азаттыкка" президенттик аппараттагы маалымат булактары кабарлашты.
Парламенттин Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин регламенти боюнча комитети Жамшитовдун талапкерлигин 24-апрелдеги жыйында талкуулай тургандыгы кабарланды.
Парламенттин басма сөз кызматы башкы прокурордун маселеси аталган комитеттин күн тартибинде жоктугун, бирок жыйындын жүрүшүндө сунушталышы мүмкүн экенин билдирди.
Өткүрбек Жамшитов 2015-жылдын июлунан бери Жалал-Абад облусунун прокурору болуп иштеп келет.
Мурдагы башкы прокурор Индира Жолдубаева президенттин сунушу менен 11-апрелде кызматынан кеткен. (SE)
