Парламенттеги көпчүлүк коалиция бүгүн башкы прокурорлук кызматка Өткүрбек Жамшитовдун талапкерлигин карап жатат. Депутаттар Жамшитовдун пландарын өзү менен суроо-жооп иретинде талкуулап жатышат. Коалицияда КСДП, "Бир Бол", "Кыргызстан" жана "Республика - Ата Журт" фракциялары бар.
Жамшитовду бул кызматка президент Сооронбай Жээнбеков сунуш кылды. Аны Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин регламенти боюнча комитет жактырды. 25-апрелде маселе Жогорку Кеңештин жалпы жыйынында каралат.
43 жаштагы Өткүрбек Жамшитов Оштун Кара-Суу районунда төрөлгөн. 2015-жылдын июлунан бери Жалал-Абад облусунун прокурору болуп иштеп келет.
Мурдагы башкы прокурор Индира Жолдубаева президенттин сунушу менен 11-апрелде кызматтан кеткен. (SE)