Экономикалык кылмыштарга каршы күрөш кызматынын башчысы Болот Сүйүмбаев иштен бошотуларын өкмөттөгү ишенимдүү булактар "Азаттыкка" билдиришти.
Сүйүмбаев бул мекеменин жетекчиси болуп быйыл 16-апрелде мурдагы премьер-министр Сапар Исаковдун буйругу менен дайындалган.
Ага чейин ал Улуттук коопсуздук боюнча мамлекеттик комитеттин төрагасынын орун басары болуп иштеп, 7-апрелде президент Сооронбай Жээнбековдун жарлыгына ылайык кызматтан бошотулган.
Сүйүмбаев 2000-жылдардын башынан тартып экс-президент Алмазбек Атамбаевдин жансакчысы болгон. Атамбаев ага президенттиктен кетээр алдында генерал-майор наамын тапшырган.