Ысык-Көлдүн Тоң районунда чет өлкөдөн кайтып келген мигранттар үчүн лагерь уюштурулду. Иш-чара мекенине кайткан кишилердин социалдык жигердүүлүгүн, лидерлик сапатын өстүрүп, түрдүү багыттарда ийгиликке жетишине кам көрүү максатын көздөйт.
23-апрелде башталган лагерь "Алмалуу" этнокомплексинде 27-апрелге чейин болот. Аны USAID уюмунун "Адамдын укугу жана кадыр-баркы" долбоорунун алкагында Эл аралык миграция уюму өткөрүүдө. Ага 15 адам катышып жатат. Тренерлер - эл аралык уюмдар менен иштешип келаткан жергиликтүү адистер. (AsM)