Өзбек кино индустриясын түптөгөндөрдүн бири катары таанымал, театрдын жана кинонун режиссеру Шухрат Аббасов Ташкентте 87 жаш курагында, 25-апрелде дүйнөдөн өттү. Бул тууралуу “Эркин Европа/Азаттык” радиосуна маркумдун туугандары кабарлашты.
Аббасов режиссерлук карьерасын "Өзбекфильм" студиясында 1959-жылы баштаган. 1960-1980-жылдардын аралыгында анын кинолору мурдагы СССРдин бүткүл аймагында белгилүү болгон. Анын фильмдеринин көбү азыр Орусия кино академиясынын алтын коруна киргизилген. (UE)
