Президент Сооронбай Жээнбеков кол койгон буйрукка ылайык, башкы прокурордун орун басары Людмила Усманова берген арызынын негизинде ээлеген кызматынан бошотулду.
Бул тууралуу президенттик аппараттын маалыматтык-саясат бөлүмү 27-апрелде кабарлады. Президенттин дагы бир буйругунун негизинде Усманованын ордуна Жамиля Жаманбаева дайындалды.
26-апрелде Кыргызстандын башкы прокурору болуп Өткүрбек Жамшитов дайындалган.
43 жаштагы Жамшитовду бул кызматка мамлекет башчы 24-апрелде сунуш кылып, Жогорку Кеңеш колдогон.
Мурдагы башкы прокурор Индира Жолдубаева президенттин сунушу менен 11-апрелде кызматынан кеткен. (NT)
