Кыргызстанда орточо айлыктын өлчөмү былтыркыга салыштырганда быйыл 6,5% жогору болууда. Бул тууралуу Улуттук статистика комитети тараткан маалыматта айтылат.
Майда ишканаларды эсепке албаганда бир кызматкердин орточо айлыгы быйыл жыл башынан бери 14 миң 560 сомду түздү. Улуттук банктын валюта курсу менен эсептегенде, бул 212 долларга барабар акча.
Айлыктын көбөйүшү экономикалык иш жүргүзгөн дээрлик бардык ишканаларда, айрыкча курулуш, тейлөө, кесиптик, илимий-техникалык ишмердүүлүк, мамлекеттик башкаруу жана коргоо тармактарында байкалды. (RK)
