Линктер

шаршемби, 26-сентябрь, 2018 Бишкек убактысы 01:04

Премьер-министрди коштоп жүргөн эки машине кырсыкка кабылды


Премьер-министрдин кортежиндеги "Toyota Land Cruiser" машинеси. 7-май, 2018-жыл. Ош облусу. Сүрөт "Turmush.kg" сайтына таандык.

Премьер-министр Мухаммедкалый Абылгазиевдин кортежиндеги эки автоунаа жол кырсыгына кабылганын Ош облустук милициясындагы ишенимдүү булактар "Азаттыкка" ырастады.

Маалыматка караганда, «Тойота Лэнд Крузер 200» жана «Лексус LX570» автоунаалары катышкан жол кырсыгы 7-майда өкмөт башчынын Өзгөн районундагы иш сапарынын учурунда болгон. Кырсыктан адамдын өмүрүнө зыян тийген эмес.

Ош облустук ички иштер башкармалыгынын, өкмөттүн басма сөз кызматтары жол кырсыгы тууралуу комментарий бере элек. Кортеждеги эки автоунаа эмнеден улам кырсыктаганы азырынча белгисиз.

Абылгазиев 7-майдаОш жана Жалал-Абад облустарындагы иш сапарынын жүрүшүндө былтыр апрелдеги жер көчкүдөн жапа чеккен Өзгөндүн Аюу айылынын тургундары менен жолугушкан. (YI)

Сиздин пикир

пикирлерди көрсөт

XS
SM
MD
LG