Балыкчы-Чолпон-Ата-Каракол автожолунун Бактуу-Долоноту айылынан Корумду айылына чейинки бөлүгү 12-майда саат 9:00дөн 16:00гө чейин жети саатка жабылат.
Жол кыймыл коопсуздугун камсыздоо башкармалыгынын маалыматына караганда, жол кыймылын чектөө "Run the Silk Road" эл аралык марафону менен байланыштуу. Мекеме элге бул убакта Балыкчы-Бөкөнбаев-Каракол жолу менен каттап турууну сунуш кылды.
12-майда Ысык-Көлдө жөө күлүк Сатымкул Жуманазаровдун элесине арналган эл аралык жетинчи марафон өтөт. Ага чет мамлекеттерден келген эки миңдей спортчу катышып, узун аралыкка чуркап күч сынашат. (NT)