Линктер

ЧУКУЛ КАБАР!
13-Июнь, 2021 жекшемби, Бишкек убактысы 17:57

Баткенде чек арадагы чыр үчүн тажик тарап кечирим сурады


Кыргыз-тажик чек арасындагы жоокер. Архивдик сүрөт.

Баткен облусунда Тажикстандын аскер кызматкерлери менен кыргыз жарандарынын ортосунда чыр чыкты. Кыргызстандын мамлекеттик чек ара кызматынын коомчулук менен байланыш бөлүмү билдиргендей, окуя 12-майда Лейлек районунда болду.

Расмий билдирүүгө караганда, автоунаа минген тажикстандык төрт аскер Кыргызстандын аймагына 50 метрдей кирип келип, тургундардын документтерин текшере баштаган. Тургундар буга нааразы болуп, алардын машинесинин ачкычын алып коюшкан.

Окуя болгон жерге Кыргызстандын аскер жана күч органдарынын кызматкерлери барып, жаңжалды басышкан.

Эки өлкөнүн тийиштүү аскер адамдары маселени талкуулап, тажик тарап кечирим сураган. Алар жаңы келген жоокерлер байкабай коңшу өлкөгө кирип кетишкенин билдиришкен.

Окуя иликтенип жатат. Лейлек райондук күч органдары тактоо иштери үчүн тажик аскерлери минип келген автоунааны алып кетишти. Аймактагы кырдаал Мамлекеттик чек ара кызматынын көзөмөлүндө. (SE)

Пикирлерди көрүңүз (32)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG